#LP心事台 #KS夫人信箱

今次收到兩篇情況好似，但角色唔同嘅投稿：

1️⃣
“我同一個女仔一齊咗一年多啲，以前都係同男仔一齊，呢個係我第一個女朋友。有個問題其實存在咗好耐，就係性生活協調唔到。頭嗰幾個月都好正常，但係去到之後就發現自己根本唔鍾意同女仔做愛，比較傾向同男人嗰種插入式性愛。久而久之就無再同女朋友做過，大家都有因為呢件事鬧過好多次交，我真係對同佢搞野無乜感覺，但係又覺得佢好慘。究竟係唔係我對佢唔夠愛，定其實係好正常嘅事？點樣解決好😣”

2️⃣
“有愛係咪一定會有性？ 我同女朋友一齊左幾年，其實一直都feel到佢唔係特別有性需要，通常都係為左配合我先做。我地亦都有為左呢件事嘈左，我問佢其實你係冇需要定係唔中意同女人做？(佢同ex有做，ex係男) 佢個陣答我係冇需要。最近佢同我講，其實佢係sexually attracted to男，所以唔想同我做，一來係因為有壓力(因為我好耐先會到)，二來係因為佢無興趣掂我。但係令我最唔開心嘅係，我發現佢其實係想同男人做，佢係有性需要只係唔係同我。佢話雖然同女人都係享受同舒服，但係兩個experience係唔同，同我做冇個種complete嘅感覺，冇個種雙向嘅感覺。我唔知應該點做，我地都好愛大家，所有野都好夾，但係性呢方面真係夾唔到。對我黎講，我已經習慣佢唔鍾意掂我，而我都決定左係佢重要過性，所以我之前已經決定左，就算冇性生活都想同佢一齊。但係知道左原來佢都有需要，而我一直都冇fulfilled到佢嘅需要，同埋冇辦法去fulfill到嘅時候，真係好hurt。雖然佢有講，如果要係性同我之間揀，佢都係會揀我，但係我唔知點解，有種覺得好錯嘅感覺，如果佢係中意男人，我係咪應該放手？”

————————————
👩🏻‍🤝‍👩🏼
其實呢個掙扎，K都經歷過，
S係我第一個女朋友，之前咁多年都係同男仔一齊，
啱啱同S一齊嘅時候，都難免會將同女/男嘅性愛比較，
兩個experience的確真係好唔同，
亦都真係會對「冇個種雙向嘅感覺」覺得frustrated，
當年我哋選擇左一齊搵sex toy去探索/解決呢個感覺，
而呢個亦係Les’Play嘅源起呢～

之後慢慢一齊得耐，喺床上嘅熱情變淡，
坦白講，有時其實都會思考下自己係咪鍾意同男仔做多啲呢？
因為同女仔做要花嘅力氣/時間真係多好多！
而過程中亦同S因為咁而嗌過好多次交，
但慢慢我發現，其實有時唔想做，係真係因為工作太攰、壓力太大，
而每次因為床事、又搵唔到結論嘅爭吵，都會為呢件事再添加上壓力。

我想帶出嘅係，
兩個女仔喺床事上夾唔到，
未必一定係「某一方不被女性性吸引」、或者「只能被男性性吸引」，
更加唔一定係「佢鍾意男人」/「唔鍾意女人」/「唔夠愛」，
以上只係好多好多可能性嘅其中之一。

一個人係可以鍾意女仔 (受浪漫吸引/ Romantic Love)，
但不被女性性吸引 (Sexual Desire)；
而唔同/唔鍾意同女仔做愛，亦都唔代表佢就係鍾意男人。

K嘅建議係，
先要抽絲剝繭地了解下自己/對方唔想做嘅真正原因，
到底係真係不被女性吸引，定只係床事上有不合/可改善嘅地方？
可能係習慣做「被動」嘅一方？
可能係因為唔識點取悅女仔嘅身體？
可能係太追求高潮，而令雙方都好大壓力？

繼而可以一齊搵下解決方法，
可能係用玩具輔助、可能係改變前戲/性愛方式、可能係營造一個放鬆啲嘅氣氛、
可能係令對方知道點樣令自己舒服、亦可能係接受每次性愛唔一定雙方都有高潮，
或者係兩人之間探索出黎嘅更多可能性。

兩個女仔要喺埋一齊唔係一件容易嘅事，
可以一齊到一段長時間，
K相信當中一定係有愛嘅存在，
有愛，的確唔一定有性，
但係喺確認「無性」之前，
或者可以再嘗試一齊尋求更多嘅出路？

祝願兩位朋友都可以搵到最好嘅出路，
同另一半幸福咁走落去🌈

————————————
LP心事台🗣
一個專屬les嘅分享平台🌈
立即投稿➡️➡️➡️
linktr.ee/lesplay

#LesPlayHK
#LP心事台
#拍拖 #愛與性 #lesbians